Ihre Browserversion ist veraltet. Wir empfehlen, Ihren Browser auf die neueste Version zu aktualisieren.

Zwei Töchtere mit ihrere Muetter

Im Dezämber sitzed mir warm iipackt i Fleecedeckene uf em Sitzplatz und dänked wehmüetig a die schön Ziit im Summer wo mer weniger azlegge brucht, chan im Kafi i dä Badi sitze und nachher i eusem schöne See go schwümme, und mir wüssed, es gaht na lang!

Jetzt isch die schön Ziit wieder da, wo mir eus i eusere Freiziit chönd i de Badi träffe, wie scho sit über 50 Jahr.

Frühner isch eusi Muetter mit eus i d Badi gange, dän i de Teenagerziit hämmers gnosse eus mit dä Kollege i dä Badi z träffe und wod d Chind cho sind isch es uh schön gsi mit ihne dä Summer i dä Badi z verbringe.

Bis hüt sind mir i dä Freiziit hüfig i eusere schöne Badi azträffe. Mir gnüssed s Kafi und de See, wän er nanig gnueg warm isch wiched mir ufs gheizte Bassin us. Nüt schöners als s erscht Mal im Früehlig chöne verusse schwümme.

Au immer wieder schön die Begägnige mit dä Lüüt wo au jede Tag i de Badi sind, wie mir und wo mer dä ganz Winter dur nie gseht.

Danke allne wo dezue biiträged, das eusi Badi e Perle isch.

 

Silvia, Erika, Esther